دو پیار دے بول بول تے سائ غزل

 New latest Urdu Ghazal by Waris Shah

New latest Urdu Ghazal by Waris Shah 

بڑا عشق عشق تو کرنا آئیں

کڑی عشق دا گنجل کھول طے سائی

تینوں مٹی وچ نا رول دیوے

دو پیار دے بول 

بول تے سائی

سکھ گھاٹ تے درد ہزار ملن

کڑی عشق نوں تکڑی تول تے سائی

تیری ہسدی اکھ وی پج جاوے

کڑی سانوں اندروں پھول تے سائی

تیرے پیار وچ جند رول دیواں

تو سمجھ مینو انمول تے سائی

وارث شاہ

شوق نال وجاء کے ونجھلی نوں پنجاں پیراں اگے کھڑا گاؤندا اے

کدی اودھوتے کاہن دے بِشن پدے کدے ماجھ پہاڑی دِی لاؤندا اے

کدی ڈھول تے مارون چھوہ دیندا کدی بوبنا چاء سُناؤندا اے

ملکی نال جلالی نوں خوب گاوے وِچ جھیوری دِی کلی لاؤندا اے

کدی سوہنی تے مہینوال والے نال شوق دِے سد سناؤندااے

کدی دھرپداں نال کَبِت چھوہے کدی سوہلے نال رلاؤندا اے

سارنگ نال تلنگ شہانیاں دے راگ سوہے دا بھوگ چاء پاؤندا اے

سورٹھ گجریاں پوربی للت بھیروں دِیپک راگ دی زیل وجاؤندا اے

ٹوڈی میگھ ملہار تے گونڈ دھنا سری جیت سری بھی نال رلاؤندا اے

مال سِری تے پرج بیہاگ بولے نال ماروا وِچ وجاؤندا اے

کیدا را تے بھاگڑا راگ مارو نالے کاہنڑے دے سُر لاؤندا اے

کلیان دے نال مالکنس بولے اتے منگلا چا ر سُناوندا اے

بھیرو ں نال پلاسیاں بھیم بولے نٹ راگ دی زِیل وجاؤندا اے

بَروا نال پہاڑ جھنجھوٹیاں دے ہوری نال آسا کھڑا گاؤندا اے

بولے راگ بسنت ہنڈول گوپی منداونی دیاں سُراں لاؤندائے

پلاسی نال ترانیاں ٹھانس کے تے وارث شاہ نوں کھڑا سناوندا اے

وارث شاہ

دینہہ ہووے دوپہر تاں آوے رانجھا اتے اودھروں ہیر بھی آؤندی ہے

ایہہ مہیں لیا بہاؤندا اے اوہ نال سہیلیاں لیاؤندی ہے

اوہ ونجھلی نال سرود کردا ایہہ نال سہیلیاں گاؤندی ہے

کائی زلف نچوڑدی رانجھنے تے کائی آن گلے نال لاؤندی ہے

کائی چمبڑے لک نوں مُشک بوری کائی مُکھ نوں مُکھ چھوہاؤندی ہے

کائی ''میری آں'' آکھ کے بھج جاندی مگر پَوے تاں ٹُبیاں لاؤندی ہے

کائی آکھ دی ماہیا ماہیا وے تیری مَجھّ کٹی کٹا جاؤندی ہے

کائی مامڑے دیاں خربوزیاں نوں کوڑے بکبکے چابناؤندی ہے

کائی آکھدی ایڈی ہے رانجھیا وے، مار باہلی پار نوں دھاؤندی ہے

کتے تاریاں ترن چوا کر کے اک چھال گھڑم دِی لاؤندی ہے

مُردے تاریاں ترن چوپھال پے کے کوئی نول نسل رُڑھی آؤندی ہے

اِک شرط بدھی ٹبی مار جائے تے پتال دی مٹڑی لیاؤندی ہے

اِک پین تے قاز چترانگ ہو کے سُر خاب تے کونج بن آؤندی ہے

اِک ڈھینگ مرغابی تے بنے بگلا اک کُکلا ہو دکھاؤندی ہے

اِک وانگ ککوہیاں سنگھ ٹڈے اِک اُوت دے وانگ بلاؤندی ہے

اوگت بولدی اک ٹیٹہری ہو اک سنگ جلکاونی آؤندی ہے

اک لدھر ہوئی کے کڑکڑاوے اِک ہو سنسار شوکاؤندی ہے

اِک دیہہ پسلیٹیاں ہو بُلھن مُشک وانگروں اوہ پھوکاؤندی ہے

ہیر ترے چوطرف ہی رانجھنے دے موری مچھلی بن بن آؤندی ہے

آپ بنے مچھلی نال چاوڑاں دے مئیں رانجھے نوں کُرل بناؤندی ہے

ایس تخت ہزارے دے ڈمبڑے نوں رنگ رنگ دیاں جالیاں پاؤندی ہے

وارثؔ شاہ جٹی ناز نیاز کر کے نِت یار دا جیو پرچاؤندی ہے

 

وارث شاہ

سن یاراں سے اسیاں بنی ہجرت لمے دیس دے وچ تیار ہوئی

اٹھاراں سے تریئیاں سمتاں دا راجے بکرما جیت دی سار ہوئی

جدوں دیس تے جٹ سردار ہوئے گھرو گھری جاں نویں سرکار ہوئی

اشراف خراب کمین تازہ زمیندار نُوں وڈی بہار ہوئی

چور چوہدری یار نی پاکدامن بھُوت منڈلی اِک تھوں چار ہوئی

وارثؔ جنہاں نیں آکھیا پاک کلمہ بیڑ ی تنھاں دی عاقبت پار ہوئی

وارث شاہ

 

New latest Urdu Ghazal by Waris Shah 

رانجھے آکھیا آ کھاں بیٹھ ہیرے کوئی خوب تدبیر بنائیے نی

تیرے ماں تے باپ دلگیر ہوندے کویں اُوہناں تھوں بات چھپائیے نی

مٹھی نائن نوں سد کے بات گِنیے جے توں کہیں تیرے گھر آئیے نی

میں سیالاں دے ویہڑے وڑاں ناہیں ساتھے ہیر نوں نِت پہنچائیے نی

دینہہ رات تیرے گھر میل ساڈا ساڈے سریں احسان چڑھائیے نی

ہیر پنج مہراں ہتھ دتےاں نیں جویں مٹھیے ڈول پکائیے نی

کُڑیاں نال نہ کھولنا بھیت مُوئے سبھا جیو دے وِچ لُکائیے نی

وارثؔ شاہ چھپائیے خلق کولوں بھاویں اپنا ہی گڑ کھائیے نی

وارث شاہ

سلطان بھائی آیا ہیر سندا آکھے ماؤں نوں دِھیو نُوں تاڑ اماں

اساں پھیر جے باہر ایہہ ڈٹھی سٹاں اِیس نوں جان تھیں مار اماں

تیرے آکھیاں ستر جے بہے ناہیں پھیراں اِیس دی دھون تلوار اماں

چاک وڑے ناہیں ساڈے وِچ ویہڑے نہیں ڈکرے کراں سُو چار اماں

جے دھیو نہ حکم وچ رکھیائی سبھ ساڑ سُٹوں گھر بار اماں

وارث شاہ جیہڑی دِھیو بُری ہووے روڑھ دیے سمندروں پار اماں

وارث شاہ

ختم رب دے کرم دے نال ہوئی فرمایش پیارڑ ے یار دی سی

ایسا شعر کیتا پُر مغز موزوں جیہا موتیاں لڑ ی شہوار دی سی

طُول کھول کے ذکر میان کیتا رنگت رنگ دی خُوب بہار دی سی

تمثیل دے نال بناء کہیا جیہی زینت لعل دے ہار دی سی

جو کو پڑ ھے سو بہت خور سند ہو وے واہ واہ سبھ خلق پُکار دی سی

وارثؔ شاہ نُوں سِک دیدار دی ہے جیہی ہیر نُوں بھٹکنا یار دی سی

وارث شاہ