پیار پیار تے ہر کوئی بولے کرکے پیار نبھانا اوکھا

-

New latest Ghazal by Bullah Shah 2021


New latest Ghazal by Bullah Shah 2021
New latest Ghazal by Bullah Shah 2021


جھلیا عشق کمانا اوکھا
کسے نوں یار بنانا اوکھا

پیار پیار تے ہر کوئی بولے
کرکے پیار نبھانا اوکھا

ہر کوئی دکھاں تے ہنس لیندا ای
کسی دا درد ودانا اوکھا

گلاں نال نئی رتبے مل دے
جوگی بھیس وتانا اوکھا

کوئی کسے دی گل نئی سن دا
لوکاں نوں سمجھاناں اوکھا
بلھے شاہ


دکھ درد سی میرے مقدراں وچ
میں شکوہ کر کے کی کردا؟

جدوں مینوں جینا نہیں آیا
میں موت وی منگ کے کی کردا؟

جد انت جدائی پینی سی
تیرا ساتھ وی منگ کے کی کردا؟


تُو پیار دی کشتی ڈوب چھڈی
میں کلا تر کے کی کردا؟

جد تو ہی اتھرو پونجنے نہیں
میں اکھیاں بھر کے کی کردا؟

ایتھے لکھاں رانجھے پھردے نے
میں مرزا بن کے کی کردا؟

او جاندی واری پلٹیا نہیں
میں ہتھ ہلا کے کی کردا؟

دکھ درد سے میرے مقدراں وچ
میں شکوہ کر کے کی کردا؟
بلھے شاہ



اٹھ جاگ گھراڑے مار نہیں
ایہہ سون تیرے درکار نہیں

اک روز جہانوں جانا اے، جا قبرے وچ سمانا اے
تیرا گوشت کیڑیاں کھانا اے، کر چیتا مرگ وسار نہیں

اٹھ جاگ گھراڑے مار نہیں
تیرا صاحا نیڑے آیا اے، کجھ چولی داج رنگایا اے

کیوں اپنا آپ ونجایا اے، اے غافل تینوں سار نہیں
اٹھ جاگ گھراڑے مار نہیں

توں ستیاں عمر ونجائی اے، توں چرخے تند نہ پائی اے
کی کرسیں داج تیار نہیں، اٹھ جاگ گھراڑے مار نہیں

اٹھ جاگ گھراڑے مار نہیں
توں جس دن جوبن متی سیں، توں نال سئیاں دے رتی سیں

ہو غافل گلیں وتی سیں، ایہہ بھورا تینوں سار نہیں
اٹھ جاگ گھراڑے مار نہیں

توں مڈھوں بہت کچجی سیں، نرلجیاں دی نرلجی سیں
توں کھا کھا کھانے رجی سیں، ہن تائیں تیرا بار نہیں

اٹھ جاگ گھراڑے مار نہیں
اج کل تیرا مکلاوا اے، کیوں ستی کر کر دعوہ اے

انڈٹھیاں نال ملاوا اے، ایہہ بھلکے گرم بازار نہیں
اٹھ جاگ گھراڑے مار نہیں

توں ایس جہانوں جائینگی، پھر قدم نہ ایتھے پائینگی
ایہہ جوبن روپ ونجائینگی، تیں رہنا وچ سنسار نہیں

اٹھ جاگ گھراڑے مار نہیں
منزل تیری دور دراڈی، توں پوناں وچ جنگل وادی

اوکھا پہنچن پیر پیادی، دسدی توں اسوار نہیں
اٹھ جاگ گھراڑے مار نہیں

اک اکلی تنہا چلسیں، جنگل بربرّ دے وچ رلسیں
لے لے توشہ اتھوں گھلسیں، اتھے لین ادھار نہیں

اٹھ جاگ گھراڑے مار نہیں
اوہ خالی اے سننج حویلی، توں وچ رہسیں اک اکیلی

اوتھے ہوسی ہور نہ بیلی، ساتھ کسے دا بار نہیں
اٹھ جاگ گھراڑے مار نہیں

جہڑے سن دیساں دے راجے، نال جنہاں دے وجدے واجے
گئے رو رو بیتکھتے تازے، کوئی دنیاں دا اعتبار نہیں

اٹھ جاگ گھراڑے مار نہیں
کتھے ہے سلطان سکندر، موت نہ چھڈے پیر پیغمبر

سبھے چھڈّ گئے اڈنبر، کوئی ایتھے پائدار نہیں
اٹھ جاگ گھراڑے مار نہیں

کتھے یوسف ماہِ-کنیانی، لئی زولیکھاں پھیر جوانی
کیتی موت نے اوڑک فانی، پھیر اوہ ہار شنگار نہیں

اٹھ جاگ گھراڑے مار نہیں
کتھے تخت سلیماں والا، وچ ہوا اڈدا سی بالا

اوہ بھی قادر آپ سمبھالا، کوئی زندگی دا اعتبار نہیں
اٹھ جاگ گھراڑے مار نہیں

کتھے میر ملک سلطاناں، سبھے چھڈّ چھڈّ گئے ٹکانا
کوئی مار نہ بیٹھے ٹھانا، لشکر دا جنہاں شمار نہیں

اٹھ جاگ گھراڑے مار نہیں
پھلاں پھلّ چمبیلی لالا، سوسن سمبل سرو نرالا

بادِ-کھزاں کیتا بر ہالہ، نرگس نت خمار نہیں
اٹھ جاگ گھراڑے مار نہیں

جو کجھ کرسیں، سو کجھ پاسیں، نہیں تے اوڑک پچھوتاسیں
سنجی کونج وانن کرلاسیں، کھنبھاں باجھ اڈار نہیں

اٹھ جاگ گھراڑے مار نہیں
ڈیرہ کرسیں اوہنیں جائیں، جتھے سیر پلنگ بلائی

خالی رہسن محل سرائیں، پھر توں ورسیدار نہیں
اٹھ جاگ گھراڑے مار نہیں

اسیں آزز وچ کوٹ علم دے، اوسے آندے وچ قلم دے
بن کلمے دے ناہیں کم دے، باجھوں کلمے پار نہیں

اٹھ جاگ گھراڑے مار نہیں
بلھا شوہ بن کوئی ناہیں، ایتھوں اوتھے دوہیں سرائیں

سمبھل سمبھل کے قدم ٹکائیں، پھیر آون دوجی وار نہیں
اٹھ جاگ گھراڑے مار نہیں


بلھے شاہ


جاں میں سبق عشق دا پڑھیا
مسجد کولوں جیوڑا ڈریا
ڈیرے جا ٹھاکر دے وڑیا
جتھے وجدے ناد ہَزار

عشق دی نوّیوں نوّیں بہار

جاں میں رَمز عشق دی پائی
مَینا طوطا مار گوائی
اندر باہر ہوئی صفائی
جِت وَل ویکھاں یارو یار

عشق دی نوّیوں نوّیں بہار

ہیر رانجھے دے ہو گئے میلے
بھُلّی مہر ڈھوڈیندی بیلے
رانجھا یار بُکّل وِچ کھیلے
مینوں سدھ رہی نہ سار

عشق دی نوّیوں نوّیں بہار

وید قرآناں پڑھ پڑھ تھکے
سجدے کردیاں گھس گئے متھے
نہ رب تیرتھ نہ رب مکّے
جس پایا تس نور اَنوار

عشق دی نوّیوں نوّیں بہار

پُھوک مصلّٰی بھن سٹ لوٹا
نہ پھڑ تسبیح عاصا سوٹا
عاشق کیہندے دے دے ہوکا
ترک حلالوں کھا مردار

عشق دی نوّیوں نوّیں بہار

عمر گوائی وچ مسیتی
اندر بھریا نال پلیتی
کدے نماز توحید نہ نیتی
ہن کی کرنائیں شور پُکار

عشق دی نوّیوں نوّیں بہار

عشق بُھلایا سجدہ تیرا
ہن کیوں اینویں پاویں جھیڑا
بلھا ہوندا چپ بتیرا
عشق کریندا مارو مار

عشق دی نوّیوں نوّیں بہار
بلھے شاہ



Comments

Post a Comment

Popular posts from this blog

گُماں تم کو رستہ کٹ رہا ہے یقین مجھ کو کہ منزل کھو رہے ہو

-
Image
Poetry by Habib Jalib 2021 Poetry by Habib Jalib 2021 پھر اشک بہا نے کی اجازت بھی نہ ہو گی دلِ خون بھی ہو جا ئے تو فریا د نہ کر بہت آ سان ہو جا ئے گیی منزل نل چلو ہم بھی کسی کے ساتھ ہو لیں گُماں تم کو رستہ کٹ رہا ہے یقین مجھ کو کہ منزل کھو رہے ہو گُماں تم کو رستہ کٹ رہا ہے یقین مجھ کو کہ منزل کھو رہے ہو اب رہیں چین سے بے درد زما نے والے سو گئے خوا ب سے لو گوں کو جگا نے والے اک روز کا صدمہ ہو تو رو لیں اے دل ہم کو ہر روز کے صدمات نے رونے نہ دیا جب خواب نہیں کوئی تو کیا عمر کا طے کرنا___ ہر صبح کو جی اٹھنا ہر رات کو مر جانا ____ اب جو ہچکیاں آئے تو پانی پی لینا یہ وہم چهوڑ دینا تجهے یاد کیا ہم نے ہم بھی گھر سے مُنیرؔ تب نکلے بات اپنوں کی جب سہی نہ گئی دیکھ کے مجھ کو غور سے پھر وہ چُپ سے ہو گئے دل میں خلش ہے آ ج تک،اُس اَن کہے سوال کی جُرم آ دم نے کیا اور نسلِ آدم کو سزا کا ٹتا ہوں زندگی بھر جو میں نے بو یا نہی معنی نہیں مُنیرؔ کسی کام میں یماں اطا عت کریں تو کیا ہے بغا وت کریں تو کیا ملتی نہیں پنا ہ ہمیں جس زمین پر اِک حشر اس زمیں پے اُ ٹھا دینا چا ہیئے ہم غریب اچھے ہیں دنیا دار لو گوں س
Read more

Sagar Siddiqui Ghazals - Best English Shayari & Ghazala Collection

-
Image
   Sagar Siddiqui Ghazals - Best English Shayari & Ghazala Collection  Sagar Siddiqui Ghazals - Best English Shayari & Ghazala Collection  Ahmadar was disbelieved in the gun, and the wilderness was seen in the flame, and the worst is seen, when the wound was wandering in your distance, then the wave of the door was broken, when the wave of the door was removed from the Saturday, the worst of the mountains, the worst of the seventh, the nation of the castle, the whole of the crowds, the worst heart was found in the city, but the heart was not in the dark, but the heart was not underneath the dead, but the eyes were not underneath the head, which I did not have to be in the head, but the eyes were not underneath the head, which I did not die, and I saw the dead, which was not the dead, the person who has gone to the head, he was not angry with his father. " It was a great love for the intention of this house, I became a great deal of heart, but the heart was made to be a fie
Read more

ghazals || Mirza Ghalib ||

-
Image
 New latest Urdu Ghazal 2021 New latest Urdu Ghazal 2021 کوئی امید بر نہیں آتی  کوئی صورت نظر نہیں آتی  موت کا ایک دن معین ہے نیند کیوں رات بھر نہیں آتی  آگے آتی تھی حال دل پہ ہنسی  اب کسی بات پر نہیں آتی  جانتا ہوں ثواب طاعت و زہد  پر طبیعت ادھر نہیں آتی  ہے کچھ ایسی ہی بات جو چپ ہوں ورنہ کیا بات کر نہیں آتی  کیوں نہ چیخوں کہ یاد کرتے ہیں  میری آواز گر نہیں آتی  داغ دل گر نظر نہیں آتا  لو بھی رے چارہ گر نہیں آتی  ہم وہاں ہیں جہاں سے ہم کو بھی  کچھ ہماری خبر نہیں آتی  مرتے ہیں آرزو میں مرنے کی  موت آتی ہے پر نہیں آتی  کعبہ کس منہ سے جاو گے غالب  شرم تم کو مگر نہیں آتی  مرزا غالب  New latest Urdu Ghazal 2021 تنگ آ چکے ہیں کشمکش زندگی سے ہم  ٹھکرا نہ دیں جہاں کو کہیں بے دلی سے ہم مایوسی مال محبت نہ پوچیھے  اپنوں سے پیش آئے ہیں بیگانگی سے ہم  لو آج ہم نے توڑ دیا رشتہ امید  لو اب کبھی گلہ نہ کریں گے کسی سے ہم  ابھریں گے ایک بار ابھی دل کے ولولے  گو دب گئے ہیں بار غم زندگی سے ہم  گر زندگی میں مل گئے پھر اتفاق سے  پوچھیں گے اپنا حال تری بے بسی سے ہم  اللہ رے فریب مشیت کہ آج تک  دنیا کے ظلم س
Read more