New Ghazal || Wassi Shah

 New Ghazal " Wassi Shah "

New Ghazal || Wassi Shah

سمندر میں اترتا ہوں تو آنکھیں بھیگ جاتی ہیں 

تیری آنکھوں کو پڑھتا ہوں تو آنکھیں بھیگ جاتی ہیں 

تمہارا نام لکھنے کی اجازت چھن گئی جب سے 

کوئی بھی لفظ لکھتا ہوں تو آنکھیں بھیگ جاتی ہیں 

تیری یادوں کی خوشبو کھڑکیوں میں رقص کرتی ہے 

تیرے غم میں میں سلگتا ہوں تو آنکھیں بھیگ جاتی ہیں 

نہ جانے ہو گیا ہوں اس قدر حساس میں کب سے 

کسی سے بات کرتا ہوں تو آنکھیں بھیگ جاتی ہیں 

میں سارا دن بہت مصروف رہتا ہوں مگر جوں ہی 

قدم چوکھٹ پہ رکھتا ہوں تو آنکھیں بھیگ جاتی ہیں 

بڑے لوگوں کے اونچے بدنما اور سرد محلوں کو 

غریب آنکھوں سے تکتا ہوں تو آنکھیں بھیگ جاتی ہیں 

تیری کوچے سے اب میرا تعلق واجبی سا ہے 

مگر جب بھی گزرتا ہوں تو آنکھیں بھیگ جاتی ہیں 

ہزاروں موسموں کی حکمرانی ہے میرے دل پر 

وصی میں جب بھی ہنستا ہوں تو آنکھیں بھیگ جاتی ہیں 

وصی شاہ